Bukidnon – Arestado ang Top 9 Regional Most Wanted Person at ang kasama nitong 45-anyos na indibidwal sa isinagawang Search and Seizure Warrant Operation ng mga tauhan ng Station Drug Enforcement Unit ng Kalilangan Municipal Police Station at Bukidnon Provincial Drug Enforcement Unit sa Purok 1, Brgy. Central, Poblacion, Kalilangan, Bukidnon nito lamang Lunes, Enero 23, 2023.
Kinilala ni Police Major Merlin Macawili, Officer-In-Charge ng Kalilangan Municipal Police Station, ang dalawang suspek na sina alyas “Van”, Top 9 Regional Most Wanted Wanted, 51, at alyas “Yolany”, 45, kapwa residente ng nasabing lugar.
Nakumpiska mula sa operasyon ang siyam na paketeng hinihinalang shabu na may timbang na mahigit kumulang 12 gramo na nagkakalahaga ng Php81,600, limang improvised bamboo stick, dalawang improvised aluminum tube, 15 rolled aluminum foil, dalawang plastic straw tube, isang green improvised disposable lighter, dalawang touchscreen cellphones, isang black pouch, strips aluminum foil, at isang crumpled aluminum foil.
Nahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy naman ang Kalilangan PNP sa pagpapaigting ng kampanya laban sa ilegal na droga tungo sa isang payapa at ligtas na komunidad.
Panulat ni Patrolman Edwin Baris/RPCADU 10
