Tondo, Manila — Umabot sa higit dalawang milyong halaga ng umano’y shabu ang nasabat sa tatlong lalaking suspek sa isinagawang buy-bust operation ng Manila Police District nito lamang Linggo, Enero 22, 2023.
Kinilala ni PBGen Andre Dizon, District Director ng Manila Police District, ang mga suspek na sina alyas “Boss”, 23, residente ng Blk 5 Baseco Compound, Brgy. 649 Zone 68, Port Area, Manila; Benjie, 30, residente ng Baseco Compound; at si Jan Oliver, 22, residente naman sa Asuncion Street, Brgy 13, Tondo, Manila.
Ayon kay PBGen Dizon, naaresto ang mga suspek sa kahabaan ng Recto corner Delpan Street, Brgy. 12, Tondo, Manila ng MPD Station 2 Drug Enforcement Unit.
Nakumpiska sa mga suspek ang tinatayang 300 gramo ng shabu na nagkakahalaga ng Php2,040,000.
Mahaharap sa kasong paglabag sa Sec 5 at 11 (Selling/Trading and Possession of Dangerous Drugs) Art II of RA 9165 si alyas “Boss” habang ang dalawa nitong kasama ay Sec 11 o Possession of Dangerous Drugs.
Bunga ng matagumpay na operasyon na ito ang mas pinaigting na police visibility sa bawat kalye ng distrito, at kampanya kontra ilegal na droga na naglalayong matamasa ang drug free sa buong Kamaynilaan.
Source: MPD (Police Big-Brother)
Panulat ni PSSg Remelin M Gargantos
