Caramoran, Catanduanes – Nagsagawa ng Community Outreach Program ang Caramoran Municipal Police Station na isinagawa sa Barangay Camburo, Caramoran, Catanduanes nito lamang Enero 22, 2023.
Naging pangunahing benepisyaryo ang mga magsasaka sa nasabing lugar na nakatanggap ng food packs.
Bukod dito ay namahagi din ng mga polyeto at nagkaroon din ng awareness lecture upang mabigyan ng kaalaman at iparating ang mga programa ng gobyerno patungkol sa E-CLIP program, E.O. 70 o End Local Communist Armed Conflict (ELCAC), at Anti- Illegal Drugs awareness at upang makaiwas sa anumang uri ng krimen.
Layunin din ng aktibidad na ito na makatulong sa ating mga magsasaka at maipadama sa kanila ang serbisyo publiko ng ating kapulisan upang mas lalong mapatibay at mapatatag ang magandang ugnayan ng bawat isa.
Patuloy ang Pambansang Pulisya sa pagbibigay ng pagpapahalaga sa kontribusyon at sakripsiyo ng ating mga magsasaka bilang isang sektor na nagtataguyod ng ating ekonomiya.
Source: Caramoran Mps Catppo
