Calbayog City – Timbog ang isang lalaking drug pusher sa isinagawang buy-bust Operation sa Brgy. Mato-Bato, Calbayog City Samar, nitong Lunes, ika-23 ng Enero 2023.
Kinilala Police Lieutenant Colonel Edwin Oloan Jr, C, PIU ng Samar PPO, ang suspek na si alyas “Tuba”, 28, walang asawa at residente ng Brgy. Capoocan, Calbayog City, Samar.
Naging matagumpay ang operasyon sa pinagsamang pwersa ng PDEU/PIU, Samar PPO, Regional Intelligence Unit 8, Calbayog City Police Station, kasama ang PDEA Regional Office 8.
Nakumpiska mula sa suspek ang 3 pirasong sachet na naglalaman ng hinihinalang shabu, kasama ang subject of sale, 1 pirasong plastic na may residue ng hinihinalang shabu, Php500 bill na buy-bust money, Php174, lighter, foil, black pouch, blue pouch at motorsiklo.
Nahaharap ang suspek sa kasong paglabag sa Section 5 at 11, ART. II ng RA 9165 o Comprehensive Dangerous Drugs Act of 2002.
Patuloy naman sa pagsasagawa ng operasyon kontra ilegal na droga ang Police Regional Office 8 upang makamit ang kaayusan at kapayapaan tungo sa kaunlaran ng bansa.
