Masbate – Nakiisa sa Mobile Blood Donation Activity ang mga personahe ng Masbate 2nd Provincial Mobile Force Company na pinangunahan ni Police Lieutenant Colonel Freddie C. Herry, Force Commander, na ginanap sa Municipal Hall, Placer, Masbate nito lamang Enero 23, 2023.
Ang nasabing aktibidad ay inisyatibo ng Rural Health Unit ng Placer, Masbate sa pakikipagtulungan ng Philippine Red Cross.
Dinaluhan din ito ng Rodeo Southern Eagles Club, Advisory Group members at mga volunteers. Ang aktibidad ay mayroong tema na: “Share Life Give Blood”.
Layunin nito na makalikom ng sapat na supply ng dugo para magamit ng ating mga kababayan na may malubhang karamdaman at nangangailangan ng dugo upang madugtungan pa ang kanilang buhay at para maibsan din ang alalahanin ng kanilang pamilya.
Ang Pambansang Pulisya ay kaisa ng komunidad upang makatulong sa ating mga kababayan at makapaghatid ng iba’t ibang klase ng serbisyo publiko.
Source: Masbate 2nd PMFC
