Cebu – Nagsagawa ang mga tauhan ng 2nd Provincial Mobile Force Company, Cebu Police Provincial Office (CPPO) ng tree planting activity sa Brgy. Bunga, Toledo City, Cebu nito lamang Linggo, Enero 22, 2023.
Ang aktibidad ay pinangunahan ni Police Staff Sergeant Crispin Parame Jr, sa pangangasiwa ni Police Lieutenant Colonel Epream Gaayon Paguyod, Force Commander, katuwang ang mga miyembro ng Kabataan Kontra Droga at Terorismo (KKDAT), tanods at barangay officials ng naturang barangay.
Sa naturang aktibidad ay nakapagtanim ang grupo ng tinatayang nasa mahigit 30 piraso ng Guyabano.
Ang patuloy at matagumpay na pagsasakatuparan ng aktibidad ay bahagi ng mga hakbangin ng grupo upang panatilihin ang kaayusan at pangalagaan ang kalikasan para sa kaligtasan at kapakanan ng mamamayan.
