Northern Samar – Nakatanggap ang Northern Samar Police Provincial Office ng mga bagong kagamitan mula sa Pamahalaang Panlalawigan ng Northern Samar sa pamamagitan ni Gov. Edwin Marino Ongchuan na iginawad nito lamang Lunes, Enero 23, 2023.
Malugod na tinanggap ng Northern Samar PPO sa pamumuno ni Police Colonel Alfredo Tadefa, Provincial Director, ang mga bagong kagamitan kabilang na dito ang isang desktop computer set, walong printer, isang high-definition camera, isang cellphone, at 10 office chairs.
Ang mga ito ay magagamit at mapapalakas nito ang kakayahan ng NSPPO sa pagtupad sa mandato nito na maghatid ng de-kalidad na serbisyo sa komunidad.
Samantala, ipinaabot ni PCol Tadefa ang kanyang pagpapahalaga at pasasalamat kay Gov. Ongchuan sa kanyang suporta sa pag-upgrade ng mga kagamitan sa opisina nito.
Mensahe naman ni PCol Tadefa, ” The Northern Samar PPO will continue to exert its best effort for the betterment of the province and the utmost welfare of Nortehanons through the utilization of these upgraded office assets”.
