Nakilahok ang Isabela PNP sa pangunguna nina Police Brigadier General Percival Rumbaoa at Police Colonel Julio Go sa seremonya ng pagbubukas ng Bambanti Festival 2023 na ginanap sa Provincial Capitol, Brgy. Alibagu, Ilagan City, Isabela noong ika-23 ng Enero 2023.
Ang naturang aktibidad ay dinaluhan nina Hon Rodolfo T Albano III, Hon Faustino G Dy III, mga alkalde sa iba’t ibang bayan sa lalawigan kasama na dito ang lahat ng kawani ng Pamahalaang Panlalawigan ng Isabela.
Sinimulan ang unang araw ng pagdiriwang sa pamamagitan ng Thanksgiving Mass na isinagawa sa St. Michael Cathedral, Gamu, Isabela.
Kasunod nito ang programa sa seremonya ng pagbubukas at ribbon cutting. Ang tema ng Bambanti Festival 2023 ay “Isabela, Pagharap sa Bagong Hamon ng Kinabukasan”, kung saan isa ito sa paraan ng pasasalamat sa mga magsasaka dahil sa malaking ambag nito sa lalawigan na naging dahilan upang makilala ang probinsya bilang isa sa mayamang lalawigan sa bansa.
Kaya naman binanggit ni Hon Faustino G Dy III sa kaniyang mensahe, na dahil sa masisipag na magsasaka sa lalawigan, nagkaroon ng iba’t ibang awards na natanggap ang Pamahalaang Panlalawigan at kinikilalang corn capital ang lalawigan ng Isabela.
Source: Isabela PPO, PIO
Panulat ni PSSg Jerlyn V Animos
