Bohol – Muling binigyang katuparan ng mga tauhan ng Buenavista Municipal Police Station ang Ika-25 ng Programang Balay sa Gugma ng Sto. Niño Parish Church sa Barangay Rufohill, Buenavista, Bohol nito lamang Enero 21, 2023.
Naging matagumpay ang pagsasagawa ng naturang programa sa pangunguna ni Police Captain Rogaciano Rosales Gara, Chief of Police katuwang ang Parish Pastoral Council na pinamumunuan ni G. Lino Divinagracia, PPC President, Brgy. Parish Council, Brgy. Catechists, Lay Ministers Families for the Father, Gagmay ng Kristohanong Katilingban (GKK), Family Group Leaders at iba pang volunteers na pinangunahan nina Rev. Fr. Nasario Tiempo Jr., Parish Priest ng Sto. Rosario Parish Church at Parish Vicar Rev. Fr. Vienvinido Omamalin.
Bahagi ang nasabing aktibidad sa isa sa mga adbokasiya ng Sto. Rosario Parish Church na mabigyan ng bahay ang mga pamilyang kapus-palad at walang kakayahang makapagpatayo ng sariling bahay na binansagang “BALAY SA GUGMA.”
Bilang katuparan, ipinagkaloob kay Tatay Richard Donan at kanyang pamilya ang ika-25 ng Programang Balay sa Gugma na siyang taos-pusong ipinagpapasalamat ng mga ito sa pagmamahal, pagsisikap na ginawa at ipinagkaloob ng kapulisan maging sa lahat ng tumulong at nakibahagi upang maisakatuparan ang programa.
Life is Beautiful, Tulong-Tulong Tayo, yan ang pinatunayan ng Kapulisan, Simbahan at Pamayanan na nagpakita ng dedikasyon at buong puwersa ng man power at volunteerism upang makamit ang misyon na bigyang kulay ang tahanan at buhay ng bawat Bol-anon.
