Butuan City – Niregaluhan ng wheelchair ang dalawang Persons with disabilities (PWDs) mula sa mga miyembro ng Regional Mobile Force Battalion (RMFB) 13 nito lamang Sabado, Enero 21, 2023.
Kinilala ang mga piling benepisyaryo na sina Mr. Ramil Cerez at Mr. Danilo Palen na pawang mga residente ng Brgy. Tungao, Butuan City.
Ang pagbigay ng regalo ay pinangunahan nina Police Captain Mohammad Fahad Julwadi, Officer-In-Charge ng Regional Mobile Force Battalion 13-Technical Support Company at Police Corporal Ronie Gantalao Jr, Team leader sa ilalim ng pangangasiwa ni Police Colonel Harry Domingo, Force Commander ng RMFB13 kasama si Brgy. Captain Melchor Salbaro.
Lubos ang naging pasasalamat nina Mr. Cerez at Mr. Palen sa kanilang natanggap sapagkat malaking tulong ito sa kanilang araw-araw na pamumuhay.
Patuloy ang RMFB13 na maghandog ng dekalidad na serbisyo publiko sa kanilang nasasakupan upang mas mapalakas ang ugnayan ng pulisya at komunidad.
Panulat ni Patrolman Jhunel Cadapan/RPCADU 13
