Siquijor – Nagsagawa ng Community Outreach Program ang mga tauhan ng Lazi Police Station sa Sitio Cang-uran, Barangay Cangomantong, Lazi, Siquijor nitong ika-20 ng Enero 2023.
Ang aktibidad ay pinangunahan ni Police Master Sergeant Analyn Gapol, CADS PNCO sa direktang pangangasiwa ni Police Captain Roberto Anulacion, Acting Chief of Police katuwang si Pastor Eleazar Lorezo at mga miyembro ng Barangay-Based Advocacy Support Group.
Masayang ipinamahagi ng naturang grupo ang mga bigas, groceries at school supplies sa mga residenteng kanilang nasasakupan.
Bukod pa rito ay nagkaroon din ng feeding program at binigyang kaalaman ang mga residente patungkol sa mga batas na nagpoprotekta at kumakalinga sa karapatan ng mga bata at kababaihan.
Labis naman ang pasasalamat ng mga ito sa mga kapulisan maging sa iba’t ibang ahensya ng pamahalaan sa pagsasagawa at pagbibigay ng serbisyong tapat at may puso para sa lahat ng residenteng kanilang nasasakupan.
