Isabela – Naging matagumpay ang isinagawang Community Outreach Program ng mga tauhan ng Palanan Airport Police Station sa Sitio Dicabbayu, Dicabisagan West, Palanan, Isabela nito lamang umaga ng Sabado, Enero 21, 2023.
Pinangunahan ng Hepe ng Palanan Airport na si PCpt Noraleen Lannu, ang naturang aktibidad at sa aktibong partisipasyon ng mga miyembro ng KKDAT Group at ng United Methodist Church sa pamumuno ni Pastora Mary Flor Cariño.
Nagkaroon ng feeding program at pamamahagi ng mga maayos na kasuotan sa mga miyembro ng pamilyang nabibilang sa Dumagat Tribe, kung saan ay makikita ang kasiyahan sa kanilang mga mukha hatid ng nasabing grupo.
Ang isinagawang aktibidad ay naglalayon na palakasin ang ugnayan ng mga kapulisan, simbahan at ng mamamayan alinsunod sa programa ng Hepe ng Pambansang Pulisya na “MKK=K” at Revitalized PNP KASIMBAYANAN Program.
