Isabela – Naghatid saya sa humigit kumulang na 200 Ilagueño ang isinagawang Barangayanihan: A Journey Leading to Development Caravan ng Ilagan CPS sa pangunguna ni PLtCol Lord Wilson Adorio na ginanap sa Brgy. Cabisera 6-24, City of Ilagan, Isabela noong ika- 20 ng Enero 2023.
Katuwang ang PCADU, IPPO; 201st Maneuver Company, RMFB 2; Provincial Intelligence Team-Isabela, RIU 2; PSFTP CL 2021-02 “SANDATAG”; Department of Agriculture; Department of Environment and Natural Resources; Kabataan Kontra Droga at Terorismo-Ilagan Chapter; Jayve Cares; Ilagan Ministers Association at iba pang miyembro ng Lingkod Bayan Advocacy Support Group at Force Multipliers sa pagsagawa ng naturang aktibidad.
Bahagi ng aktibidad ang pagtalakay sa mga batas at mga napapanahong isyu kagaya ng Pangkalahatang-ideya sa KKDAT, EO # 70 NTF-ELCAC, RA 9262 (Violence against Women and their Children), at DILG’s BIDA (Buhay Ingatan, Droga’y Ayawan) Program.
Nagsagawa din ng tree planting activity, pamamahagi ng bigas, mga punla ng gulay, mga alagaing manok, at tilapia fingerlings.
Kasama rin sa aktibidad ang pamamahagi ng mga school supplies at feeding program sa mga mag-aaral ng naturang barangay na ikinatuwa at ipinagpasalamat ng mga ito.
Layunin ng aktibidad na maisagawa at maiparamdam sa mga mamamayan ang tunay na malasakit upang mapagtibay ang relasyon ng kapulisan at komunidad.
Source: Isabela PPO, PIO
