Pangasinan – Arestado ang isang Wanted Person na menor de edad sa ikinasang Manhunt Charlie Operation ng mga operatiba ng Bolinao Municipal Police Station nitong ika-20 ng Enero 2022.
Kinilala ni Police Lieutenant Colonel Resty Santos, Hepe ng Bolinao Municipal Police Station, ang suspek na isang 16 taong gulang.
Ayon kay PLtCol Santos, naaresto ang suspek sa bisa ng Warrant of Arrest sa kasong 2 Counts of Frustrated Murder na may inirekomendang piyansa na Php72,000 para sa bawat kaso.
Ayon pa kay PLtCol Santos, naaresto ang suspek bandang 2:15 ng hapon sa Brgy. Sampaloc, Bolinao, Pangasinan ng mga operatiba ng Bolinao Municipal Police Station.
Ang matagumpay na pagkakaaresto sa suspek ay tanda ng epektibong pagganap ng mga miyembro ng Philippine National Police ng kanilang mga tungkulin upang mabigyan ang mga mamamayan ng mas ligtas at mas payapang komunidad.
Source: Cabugao Municipal Police Station
Panulat ni PSSg Bader Ceasar B. Ayco
