Davao City – Arestado ang isang lalaki sa patuloy na isinasagawang Manhunt Charlie operation ng tauhan ng pulisya sa Purok 1 Uguis, Brgy. Eden, Toril, Davao City, noong Enero 19, 2023.
Kinilala ni Police Major Madtaib Jalman, Acting Chief of Police ng Maco Municipal Police Station, ang suspek na si alyas “Edwin”, 50, residente ng nasabing lugar na kabilang sa mga wanted person ng lungsod.
Ayon kay PMaj Jalman, naaresto ang suspek sa bisa ng Warrant of Arrest sa kasong Rape na walang piyansang inirekomenda na inihain ng pinagsamang tauhan ng Maco MPS kasama ang Eden PS.
Patuloy sa pagsasagawa ng Manhunt Charlie operation ang Police Regional Office 11 upang hulihin ang mga wanted person sa rehiyon onse. Sa tulong na ibinibigay ng mga mamamayan sa kapulisan ay makakamit ang kaayusan at kapayapaan tungo sa kaunlaran ng bansa.
Panulat ni Patrolman Alfred Vergara
