Sulu – Namahagi ng foodpacks ang mga tauhan ng 1st Provincial Mobile Force Company Sulu Police Provincial Office sa mga street sweepers at pedicab drivers sa Jolo, Sulu noong Enero 19, 2023.
Pinangunahan ni PLtCol Rajiv Alih, Force Commander ng 1st PMFC Sulu PPO ang nasabing aktibidad para mas mapagtibay ang magandang ugnayan ng pulisya at komunidad.
Sari-saring grocery items, bigas at pagkain ang natanggap ng mga naging benepisyaryo ng nasabing aktibidad.
Layunin ng aktibidad na isulong ang mas matibay na samahan sa pagitan ng komunidad at PNP at upang mabawasan ang pasanin ng mga kapus-palad sa gitna ng pandemya.
Ang aktibidad ay alinsunod sa programa ng Hepe ng Pambansang Pulisya na si Police General Rodolfo S Azurin Jr, na MKK=K o Malasakit, Kaayusan, Kapayapaan tungo sa Kaunlaran na naglalayong mas mapagtibay ang ugnayan ng PNP at komunidad para sa mas ligtas at maayos na pamayanan.
Panulat ni Pat Mark Vincent Valencia
