Antipolo City – Tinatayang Php138,040 na halaga ng shabu ang nasabat sa isang suspek sa buy-bust operation ng Antipolo City Drug Enforcement Team sa Kingsway Road, Hardrock, Brgy. Cupang, Antipolo City bandang 12:57 ng madaling araw nito lamang Miyerkules, Enero 18, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas “Lala”, 44, residente ng Unit 1, Pagrai Hills, Brgy. Mayamot, Antipolo City.
Narekober sa suspek ang limang heat-sealed plastic sachets ng hinihinalang shabu na tumitimbang ng 20.30 gramo na nagkakahalaga ng Php138,040, isang pirasong Php500 bill na ginamit bilang buy-bust money at isang itim na coin purse.
Nahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang sunod sunod na tagumpay ng operasyon ng Rizal PNP ay bunga ng mas pinaigting na ugnayan ng pulisya at komunidad tungo sa pagkamit ng kapayapaan sa ating inang bayan.
Panulat ni PEMS Joe Peter Cabugon/RPCADU4A
