Cebu – Nagsagawa ng Community Outreach Program ang mga tauhan ng Alcoy Municipal Police Station sa mga residente ng Purok Rose, Brgy. Guiwang, Alcoy, Cebu nito lamang Miyerkules, Enero 18, 2023.
Ang aktibidad ay pinangunahan ng mga tauhan ng naturang istasyon sa pangangasiwa ni Police Captain Ramuel Banogon, Chief of Police katuwang ang KASIMBAYANAN partner sa pangunguna ni Pastor Rene Eraga.
Ipinamahagi ng mga naturang grupo ang mga food packs at flyers patungkol sa Anti-Violence Against Women and their Children (VAWC), End Local Communist Armed Conflict (ELCAC), at Crime Prevention Tips at COVID-19.
Ang naturang Programa ay alinsunod sa PNP Peace and Security Framework ng ating CPNP na “Malasakit, Kaayusan at Kapayapaan tungo sa Kaunlaran” (M+K+K=K), na nagpapakita ng pagmamahal at dedikasyon sa pagseserbisyo para sa mamamayang lubos na nangangailangan.
