Nasamsam ang higit ang Php6 milyong halaga ng shabu sa isinagawang drug buy-bust operation ng pulisya bandang 9:10 ng gabi sa Barangay Barosbos, Carles, Iloilo nito lamang ika-18 Enero, 2023.
Kinilala ni Police Major Robert Jayson Pancha, Officer-In-Charge ng Carles Municipal Police Station ang subject person na si alyas “Toto Mat”, 20, at residente ng Brgy. Botongon, Estancia, Iloilo, at na-tag bilang isang High Value Individual.
Ang operasyon ay pinangunahan ng Carles Municipal Police Station, katuwang ang Iloilo PIU, Iloilo PDEU Team 3, 2nd IPFMC at sa koordinasyon sa PDEA Regional Office 6.
Ayon kay PMaj Pancha, nadakip ang suspek matapos itong maaktuhan sa pagbebenta ng isang malaking pakete ng suspected shabu na may halagang Php600,000 sa isang police poseur buyer.
Sa kanyang pagkakaaresto ay narekober mula kay “Toto Mat” ang may kabuung humigit kumulang isang kilong pinaghihinalang shabu na umabot sa Php6,800,000 ang halaga.
Kabilang din sa mga narekober sa kanya ang isang pocket weighing scale, itim na sling bag at ID.
Ang naturang suspek ay sasampahan ng kasong paglabag sa section 5 at 11 ng R.A. 9165 o Comprehensive Dangerous Drugs Act of 2002.
Hinikayat naman ni PMaj Pancha ang publiko na maging mapagmatyag at iulat sa awtoridad ang anumang impormasyon kaugnay sa mga ilegal na aktibidad sa kanilang nasasakupan.
