Batangas – Nabahagihan ang apat na former rebels ng mga regalo at livelihood program application form ng Regional Mobile Force Battalion 4A sa Sitio Camantigue, Brgy. Tumaway, Talisay, Batangas nito lamang Lunes, Enero 16, 2023.
Ang aktibidad ay pinangunahan ni Police Captain Maria Ailyn Franca, Team Leader ng Counter Urban and Rural Area Operation (CURAO) sa ilalim ng superbisyon ni Police Lieutenant Colonel Agosto Asuncion, Officer-In-Charge ng Regional Mobile Force Battalion 4A.
Nabigyan ng mga damit at pagkain ang mga naturang former rebels kabilang ang oportunidad na makapagbagong buhay sa pamamagitan ng mga livelihood program na nakalaan ng gobyerno para sa kanila.
Layunin ng aktibidad na matulungan at mabigyan ng oportunidad na makapagbagong buhay ang mga mamamayan na nagbalik-loob at makiisa sa mga programa ng gobyerno upang makamit ang tahimik at maayos na komunidad
Police Executive Master Sergeant Joe Peter V Cabugon, RPCADU4A
