Bohol – Nagsagawa ng Drug Symposium at Anti-Terrorism Awareness ang mga tauhan ng Antequera Police Station sa Barangay Bicahan, Antequera, Bohol nito lamang Linggo, Enero 15, 2023.
Ang aktibidad ay pinangunahan nina PSSg Reynaldo Lagumbay at PSSg Noel Gementiza sa pangangasiwa ni Police Captain Johnrey Digao, Chief of Police, na masugid na nilahukan ng mga Barangay Officials, Kabataan Kontra Droga at Terorismo, at maging ng ilang residente ng nabanggit na barangay.
Kabilang sa tinalakay sa naturang aktibidad ang RA 9165 (Comprehensive Dangerous Drugs Act of 2002) at Anti-Terrorism at hinimok ng mga naging tagapagsalita ng programa ang lahat na naging bahagi nito para sa kanilang patuloy na suporta at pakikiisa sa pagsugpo sa problema sa ilegal na droga at maging sa insurhensiya para sa maayos, ligtas at mapayapang lungsod.
