Camarines Norte – Arestado ng Camarines Norte PNP ang isang lalaki na may kasong Rape sa Purok 1-A, Barangay 3, Mercedes, Camarines Norte nito lamang Sabado, Enero 14, 2023.
Kinilala ni Police Colonel Antonio Bilon Jr, Provincial Director ng Camarines Norte Police Provincial Office, ang akusado na si alyas “Goyo”, 22, binata, isang mangingisda at residente ng nabanggit na lugar.
Ayon kay PCol Bilon Jr, naaresto si alyas “Goyo” sa bisa ng Warrant of Arrest ng pinagsanib na mga tauhan ng CIDG Camarines Norte PFU, Mercedes MPS, Camarines 1st at 2nd Provincial Mobile Force Company para sa kasong Rape Article 266-A ng Revised Penal Code na amended ng RA 8353 at walang rekomendadong piyansa.
Hinalay di umano ng akusado ang kanyang menor de edad na pinsan noong buwan ng Agosto taong 2022.
Ang Pambansang Pulisya ay hindi tumitigil sa paghanap at pag-aaresto ng mga taong nagtatago sa batas upang mabigyan ng hustisya ang mga naging biktima nito.
Source: Camarines Norte PPO
