La Union — Nagsagawa ng Joint Community Outreach Program ang Regional Mobile Force Battalion ng NCRPO at La Union Provincial Police Office sa Covered Court ng Barangay Poblacion, San Gabriel, La Union nito lamang Sabado, Enero 14, 2023.
Ang aktibidad ay personal na nilahukan ni Police Colonel Jonathan Calixto, Force Commander ng RMFB kasama ang ibang opisyales.
Nakiisa din sa nasabing aktibidad sina Police Colonel Lambert Suerte, La Union PPO, Provincial Director, kasama si Hon. Lany Baobaoen-Carbonel, Municipal Mayor ng nasabing Lalawigan at mga miyembro ng Rotary Club Makati Poblacion na pinangunahan ni Dr. Morena “Mong” Canizar, Chairman, BAC-RMFB NCRPO.
Naghandog ng libreng Medical, Dental at Check-up sa mata ang nasabing grupo para sa mga residente ng Indigenous Community. Nagkaroon din ng gift-giving para sa mga bata, pamamahagi ng wheelchair o kilala sa programang Handog ni Datu sa mga karapat-dapat na benepisyaryo, libreng gupit sa mga bata, at pamimigay ng foodpacks.
Dahil sa joint operation sa aktibidad na ito, mas umigting ang “KASIMBAYANAN” allegiance ng pulisya para sa ating mga katutubo. Ang tulungan, iangat, at suportahan sila sa pamamagitan ng serbisyo kabilang na ang libreng pag-aaral, usaping pangkalusugan, at iba pang mga proyekto ang tututukan ng PNP.
Source: RMFB PIO
Panulat ni PSSg Remelin M Gargantos
