Oriental Mindoro – Timbog ang isang wanted person sa isinagawang operasyon ng mga tauhan ng Naujan Municipal Police Station sa Barangay Estrella, Naujan, Oriental Mindoro noong ika-14 ng Enero 2023.
Kinilala ni Police Lieutenant Colonel Nonato Banania Jr., Chief of Police ng Naujan MPS, ang suspek na si alyas “Aron”, residente ng Barangay Estrella, Naujan, Oriental Mindoro.
Ayon kay PLtCol Banania Jr. naaresto ang suspek sa isinagawang operasyon ng pinagsanib na puwersa ng mga tauhan ng Naujan MPS, 1st Provincial Mobile Force Company, Oriental Mindoro Police Provincial Office, 404th Battalion Maneuver Company, RMFB, at Criminal Investigation and Detection Group, Provincial Forensic Unit Oriental Mindoro sa bisa ng Warrant of Arrest sa kasong Rape na walang inirekomendang piyansa.
Ang Pambansang Pulisya ay hindi titigil sa kampanya laban sa pagsugpo sa kriminalidad, droga at terorismo para sa kaligtasan ng mamamayan at ng bansa.
Panulat ni Patrolman Erwin Calaus
