Benguet – Tinatayang Php2,880,000 halaga ng marijuana ang nakumpiska sa buy-bust operation ng Benguet PNP at PDEA Cordillera sa Km 16, Caponga, Tublay, Benguet nito lamang Sabado, Enero 14, 2023.
Kinilala ni Police Brigadier General Mafelino Bazar, Regional Director, Police Regional Office Cordillera, ang suspek na si alyas “Julius”, tubong Kayapa, Bakun, Benguet at residente ng Tublay, Benguet na kabilang sa Street Level Individual.
Ayon kay PBGen Bazar, nakumpiska mula sa suspek ang 24 tubular form ng pinaghihinalaang marijuana na may kabuuang bigat na 24 kilos na may Standard Drug Price na Php2,880,000.
Ayon pa kay PBGen Bazar, nakatakas ang suspek matapos tumalon sa bangin at nagtungo sa di malaman na direksyon.
Samantala, patuloy ang
Benguet PNP sa pagtugis sa suspek upang mapanatili ang kaligtasan ng mga mamamayan at patuloy sa pagsasagawa ng mga operasyon kontra ilegal na droga upang maging ligtas sa anumang kriminalidad at terorismo ang kanilang nasasakupan.
Source: Police Regional Office Cordillera-PIO
