Oriental Mindoro – Nagsagawa ng Community Outreach Program ang mga tauhan ng 403rd Battalion Maneuver Company, Regional Mobile Force Battalion MIMAROPA sa Brgy. Benli, Bulalacao, Oriental Mindoro noong ika-12 ng Enero 2023.
Ang naturang aktibidad ay pinangunahan ng 403rd B MC, RMFB MIMAROPA sa pamumuno ni Police Captain Sherwin Ramirez, Officer-In-Charge kasama ang mga Alpha Phi Omega, Scout Royale Brotherhood, Triskelion at Skeptron.
Namahagi ang grupo ng food packs, libreng damit at nagsagawa din ng feeding program sa mga residente ng nasabing barangay.
Ito ay kaugnay sa programa ng PNP na MKK=K (Malasakit, Kaayusan, Kapayapaan, tungo sa Kaunlaran) at sa paglulunsad ng Revitalized PNP KASIMBAYANAN Program na naglalayong matulungan ang ating mga kababayan na lubos na nangangailangan.
Patuloy na isinasagawa ng PNP ang mga ganitong programa na naglalayong isulong ang pagkakaisa tungo sa ligtas at maunlad na pamayanan.
Panulat ni Patrolman Erwin Calaus
