Davao De Oro – Arestado ang isang indibidwal sa isinagawang buy-bust operation ng Maragusan PNP sa Purok Durian, Barangay Magcagong, Maragusan, Davao De Oro, noong Enero 12, 2023.
Kinilala ni Police Major Ariel Pascual, Acting Chief of Police ng Maragusan Municipal Police Station, ang suspek na si alyas “Romel”, 48, residente ng Purok Kurigsaw, Mansaka Village, Barangay Poblacion, Maragusan, Davao de Oro na isang High Value Individual sa lugar.
Ayon kay PMaj Pascual, naaresto ang suspek sa isinagawang buy-bust operation ng mga tauhan ng Maragusan MPS kasama ang Provincial Drug Enforcement Unit at 1st Davao De Oro Provincial Mobile Force Company katuwang ang PDEA XI.
Dagdag pa ni PMaj Pascual, nakuha mula sa suspek ang ilang pakete ng hinihinalang shabu na may bigat na humigit kumulang 0.15 gramo na may street market value na Php1,020 at marked money na ginamit sa operasyon.
Ang pagkakadakip sa suspek ay may malaking tulong upang makamit ng Police Regional Office 11 ang kanilang layunin para sa kaayusan at kapayapaan sa lungsod.
Panulat ni Patrolman Alfred Vergara
