Butuan City – Naaresto ang isang High Value Individual (HVI) sa ikinasang Search Warrant ng mga awtoridad sa Purok 10, Brgy. Lower Doongan, Butuan City nito lamang Sabado, Enero 14, 2023.
Kinilala ni Police Colonel Marco Archinue, City Director ng Butuan City Police Office, ang nadakip na si alyas “Lemuel”, 30, residente ng nabanggit na lugar.
Ayon kay PCol Archinue, bandang 5:16 ng umaga nang ikasa ang operasyon ng mga tauhan ng BCPO-City Intelligence Unit katuwang ang Butuan City Police Station-2 at Philippine Drug Enforcement Agency-Agusan del Norte.
Narekober ang dalawang pirasong heat-sealed transparent sachet na naglalaman ng hinihinalang shabu na may timbang na 2 gramo at may Standard Drug Price na Php13,600; isang yunit ng Samsung keypad phone; isang yunit ng Huawei cellphone; at mga drug paraphernalia.
Nahaharap ang suspek sa kasong paglabag sa Section 11 at 12, Article II ng RA 9165 o Comprehensive Dangerous Drugs Act of 2002.
“This has been our warning that if you engage in illegal activities, surely the long arm of the law will come after you. The suspect had his chance to go straight but wasted it. Now, he will live again a life behind bars. May this be a lesson to others who still do the same as him. Because Butuan police will do everything in our capacity to stop illegal drugs and other forms of crime.” pahayag ni PCol Archinue.
Panulat ni Patrolman Jhunel Cadapan/ RPCADU13
