Cotabato – Arestado ang isang High Value Individual matapos mahulihan ng ilegal na droga sa isinagawang Search Warrant ng Cotabato PNP sa Sitio, Pangayasan, Brgy. Kisante, Makilala, Cotabato nito lamang Enero 14, 2023.
Kinilala ni Police Lieutenant Colonel Jojet Ferrer Nicolas, Hepe ng Makilala Municipal Police Station, ang naarestong HVI na si alyas “Rustico”, 44, residente ng nasabing lugar.
Ayon kay PLtCol Nicolas, isinagawa ang Search Warrant bandang 1:45 ng umaga sa naturang lugar sa pinagsanib pwersa ng mga operatiba ng Makilala MPS, Cotabato Police Provincial Office, Provincial Drug Enforcement Unit, Provincial Intelligence Unit kasama ang ilang Elected Brgy. Officials at Media Representative.
Nakuha sa suspek ang 18 pakete ng hinihinalang shabu na may timbang na 3.5 gramo at tinatayang nagkakahalaga ng Php13,000.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Alinsunod sa programa ng Pambansang Pulisya na MKK=K at sa pagtutulungan ng KASIMBAYANAN (Kapulisan, Simbahan at Pamayanan) titiyakin ng Police Regional Office 12 na patuloy sa mga ganitong operasyon upang masawata ang mga taong gumagamit at nagtutulak ng ilegal na droga.
Panulat ni Patrolman Khnerwin Jay A Medelin
