Camp Crame, Quezon City – Isinagawa ang taunang New Year’s Call na pinangunahan ng Hepe ng Pambansang Pulisya ng Pilipinas na si Police General Rodolfo Santos Azurin, Jr., na dinaluhan ng mga pinuno ng mga iba’t ibang unit ng PNP sa pangunguna ng PNP Command Group na sina Police Lieutenant General Rhodel O. Sermonia, PNP Deputy Chief for Administration; PLtGen Benjamin D. Santos, Jr., PNP Deputy Chief for Operations; at PLtGen Michael John F. Dubria na siyang Chief ng PNP Chief of Directorial Staff, na ginanap sa PNP Multi-Purpose Center, Camp Crame, Quezon City ngayong araw ng Biyernes, ika-13 ng Enero 2023.
Dinaluhan din ang naturang tradisyonal na seremonya ng mga kabiyak ng mga bawat unit directors.
Sa talumpati ni CPNP ay tinalakay niya ang naging puspusang paninindigan ng PNP laban sa krimen, ilegal na droga at kurapsyon na nagbigay-daan sa taong may pagkakaisa at kaunlaran.
“It was the year that we took a more tenacious and forceful stance against crime, illegal drugs, and corruption. It was a year of great unit and progress.”
Ginarantiya rin ng heneral sa publiko ang mabilis na paghahatid ng serbisyong pulisya kung saan kabilang ang registration licensing ng mga baril, issuance ng police clearance, at pagproseso ng mga pension at iba pang benepisyo ng mga retiradong at naging sugatang empleyado.
“We will also ensure faster delivery of police services such as the registration and licensing of firearms, the issuance of police clearances, and even the processing of pensions and other benefits for our retirees and wounded police personnel, among other things.”
Samantala, siniguro rin ni PGen Azurin na disiplina ang mananaig sa bawat lebel ng Pambansang Pulisya bunsod ng courtesy resignation ng mga koronel at heneral ng organisasyon patungkol malawakang internal cleansing upang tuluyang matigil ang problema sa droga na naging panawagan ng kalihim ng Department of Interior and Local Government na si Sec. Benjamin “Benhur” C Abalos, Jr.
“Discipline must prevail at all levels of the PNP organization, as a testimony to this and by submitting our courtesy resignation, we fully support SILG Abalos’ call for cleansing the police force. Illegal drug users, pushers, dealers, protectors, will have no place among us.”
Panulat ni Pat Noel Lopez
