Iloilo City – Arestado ang isang High Value Individual sa isinagawang drug buy-bust operation ng Iloilo City PNP sa C1 Road Bgry. San Jose, Arevalo, Iloilo City nito lamang Huwebes, ika-12 ng Enero 2023.
Kinilala ni Police Major Chen Tañagras, Station Commander ng ICPS 6 ang HVI na si alyas “Mark”, walang asawa, 32, at residente ng Zone 2 Brgy. San Juan, Molo, Iloilo City.
Naaresto ang suspek sa pinagsanib na pwersa ng mga operatiba ng Regional Police Drug Enforcement 6 at Iloilo City Police Station 6.
Narekober mula kay Mark ang isang pakete ng hinihinalang shabu na nagkakahalaga ng Php20,000 na nabili ng Police Poseur buyer sa kanya at 11 piraso ng heat-sealed sachets ng suspected shabu na may bigat na 60 grams at may halagang Php408,000.
Nahaharap ang suspek sa kasong paglabag sa R.A. 9165 o Comprehensive Dangerous Drugs Act of 2002.
Patuloy ang Iloilo City PNP sa mas pinaigting na kampanya nito laban sa ilegal na droga upang tuluyang masugpo ang pagkakalat at pagbebenta ng ilegal na droga, gayundin sa paghuli sa mga taong may pananagutan sa batas.
