Cebu – Kalaboso ang isang retiradong pulis at ang live-in partner nito matapos makuhanan ng libo-libong halaga ng shabu sa inilunsad na buy-bust operation ng mga operatiba ng Talisay City Police Station (PS), Cebu Police Provincial Office (CPPO) sa Sitio Molave, Barangay Tabunok, Talisay City, Cebu noong Miyerkules, Enero 11, 2023.
Ayon kay Police Lieutenant Colonel Randy Caballes, Chief of Police, ang suspek na kinilalang sina Esmeralda Pacaldo Esmeña, 59, at Susibio Blasa Narciso, 61, mga residente ng Sitio Mangga, Barangay Mambaling, Cebu City ay nadakip dakong 11:40 ng gabi noong Miyerkules at napabilang sa talaan ng High Value Individual sa lungsod dahil sa halaga ng droga na nakumpiska sa mga ito.
Ayon pa kay Police Lieutenant Colonel Caballes, kabilang sa mga nakuha sa mga suspek ay ang nasa 70 gramo ng hinihinalang shabu na may Standard Drug Price na Php476,000, isang red pouch, at buy-bust money.
Kasong paglabag sa Sec. 5 at 11, Art. II ng RA 9165 (Comprehensive Dangerous Drugs Act of 2002) ang kinakaharap ng mga suspek.
Bunga ng matagumpay na operasyon, pinuri ni Police Colonel Rommel Ochave (CPPO) ang buong lakas ng Talisay City PS sa mahusay at maayos na pagpapatupad ng kanilang mga hakbang upang sugpuin at hulihin ang mga taong nasa likod ng problema sa ilegal na droga sa lungsod.
