Samar – Nakiisa at nagbigay seguridad ang mga tauhan ng Pagsanghan Municipal Police Station sa pamamahagi ng mga relief goods sa mga residente ng Brgy. San Luis at Brgy. Buenos Aires, Pagsanghan, Samar nito lamang ika-12 ng Enero 2023.
Ang naturang aktibidad ay pinasimulan ng Samar LGU sa pamumuno ni Hon. Sed Hendrix C. Tan katuwang ang Pagsanghan MPS na pinangunahan ni Police Chief Master Sergeant Perfecto D Merilles sa ilalim ng pangangasiwa ni Police Captain Joan Brozas, Officer-In-Charge kasama ang mga personnel ng Bureau of Fire Protection at Pagsanghan Rescue Unit and Public Assistance (PRUPA).
Sari saring relief goods ang ipinamahagi gaya ng bigas, delata, damit at iba pa sa mga naapektuhan ng pagbaha dahil sa Low Pressure Area.
Ang Pambansang Pulisya ay patuloy sa pagbibigay tulong sa mga residenteng naapektuhan ng tuloy-tuloy na pagbuhos ng ulan at layunin nito na maipadama sa mga mamamayan ang tunay na malasakit tungo sa kaayusan, kapayapaan at kaunlaran ng probinsya ng Samar.
