Ilocos Norte – Arestado ng Piddig Municipal Police Station ang Top 1 Most Wanted Person sa kasong Multiple Homicide, Serious Physical Injuries at Damage to Property nitong Miyerkules, Ika-11 ng Enero 2023.
Kinilala ni Police Captain Rudy James Jacalne, Officer-in-Charge ng Piddig MPS, ang suspek na si Jonathan Pacaro y Saguid, 28, walang asawa, walang trabaho at nakatira sa Sitio 1, Brgy. Ester, Vintar, Ilocos Norte.
Ayon kay PCpt Jacalne, bandang 11:20 ng umaga nang naaresto ang suspek sa kanyang tirahan na pinangunahan ng Piddig MPS katuwang ang Vintar MPS at 1st Ilocos Norte Provincial Mobile Force Company.
Dagdag pa ni PCpt Jacalne, naaresto ang suspek sa bisa ng Warrant of Arrest sa kasong Multiple Homicide, Serious Physical Injuries at Damage to Property na may Php60,000 na nirekomendang piyansa.
Ang operasyon ng PNP ay lalong papaigtingin laban sa mga may pananagutan sa batas.
Source: Piddig MPS
Panulat ni PSSg Marvin Jake Romero
