Pinangunahan ng Santa Fe Police Station ang pakikiisa sa paglunsad ng Business One Stop Shop (BOSS) na inilunsad sa LGU Peoples Hall Brgy. Poblacion, Santa Fe, Nueva Vizcaya nitong ika-11 ng Enero taong kasalukuyan.
Pinangasiwaan ni Police Major Angelo Dasalla, Chief of Police katuwang ang Bureau of Fire and Protection (BFP), MENRO, Engineering at Treasury Office ang paglulunsad sa nabanggit na lugar.
Layunin ng aktibidad na mas mapabilis ang pagrerehistro ng mga business permit ng mga negosyate at mamamayang nagnanais magsimula ng negosyo.
Ang hanay ng kapulisan ay handang makipagtulungan at tumugon sa komunidad tungo sa pagkamit ng isang mas ligtas na lugar upang manirahan, magtrabaho at magnegosyo.
Source: Santa Fe Police Station
Panulat ni PCpl Harry B Padua
