General Santos City – Walang takas ang isang High Value Individual (HVI) sa GenSan PNP matapos mahulihan ito ng Php476,000 na halaga ng hinihinalang shabu sa buy-bust operation sa Labao Road, Zone 7, Barangay Bula, General Santos City noong Enero 10, 2023.
Kinilala ni Police Captain Avelino Perdido, Acting Chief, City Police Drug Enforcement Unit (CPDEU) ang HVI na si alias “Regan”, 27, residente ng Barangay Bawing, General Santos City.
Ayon kay PCpt Perdido, bandang alas 5:31 ng hapon ng dinakip si Regan ng pinagsanib pwersa ng CPDEU, Regional Police Drug Enforcement Unit (RPDEU), PRO12 at iba pang mga operatiba ng General Santos City Police Office at Police Regional Office 12.
Nakumpiska sa naturang operasyon ang humigit kumulang 70 gramo ng hinihinalang shabu na may estimated National Standard Drug Price (NSDP) na Php476,000, at ang ginamit na Php1,000 bill bilang buy-bust money.
Nahaharap sa kasong paglabag sa RA 9165 o Comprehensive Dangerous Drugs Act of 2002 ang suspek.
Tinitiyak ng kapulisan ng PRO 12 na pinamumunuan ni PBGen Jimili L Macaraeg, Regional Director, na patuloy itong papaigtingin ang kampanya kontra ilegal na droga para mapanatili ang katahimikan at kaayusan ng Rehiyong Dose.
Panulat ni Patrolman Khnerwin Jay A Medelin
