Misamis Occidental – Personal na namahagi ng tulong pinansyal si President Bongbong Marcos Jr., sa mga pamilyang naapektuhan ng pagbaha dulot ng Shearline at Northeast Monsoon nito lamang Enero 11, 2023 sa Misamis Occidental at Misamis Oriental.
Tinatayang mahigit Php16,275,000 halaga ng cash assistance ang naipamahagi sa 3,255 benepisyaryo sa Tudela at Carlin Misamis Occidental na ginanap sa Working Congressman Sports, and Cultural Center.
Aabot sa Php7.5 milyon halaga naman ng cash assistance ang naibigay sa 1,500 benepisyaryo na galing sa Pangulo at Department of Social Welfare and Development (DSWD).
Bawat isang indibidwal ay nakatanggap ng Php5,000, relief packages at food packs.
Naging mapayapa ang pamimigay ng tulong pinansyal dahil sa pagpapanatili ng kaayusan at katahimikan ng buong hanay ng Northern Mindanao PNP, DSWD at Lokal na Pamahalaan ng probinsya ng Misamis Oriental at Misamis Occidental.
Patunay na ang ating pamahalaan ay handang tumugon at tumulong sa ating mga kababayan kaakibat ang iba’t ibang ahensya ng pamahalaan tungo sa pagbangon sa anumang sakuna at pagkamit ng tunay na kapayapaan at kaunlaran sa ating inang bayan.
Panulat ni Patrolman Edwin Baris/RPCADU 10
