Zamboanga City – Arestado ang isang lalaki sa kasong 2 Counts of Rape sa isinagawang law enforcement operation ng Zamboanga City PNP sa Isidro St. Zone 2, Mercedes, Zamboanga City nito lamang Martes, Enero 10, 2023.
Kinilala ni Police Colonel Alexander Lorenzo, City Director ng Zamboanga City Police Office, ang naarestong suspek na si alyas “Kuya Leo”, 22, walang asawa at residente ng naturang barangay.
Ayon kay PCol Lorenzo, bandang 1:29 ng hapon nang naaresto ang suspek ng mga operatiba ng Zamboanga City Police Station 4 sa bisa ng Warrant of Arrest sa kasong 2 Counts of Rape na walang inirekomendang piyansa.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
Panulat ni Patrolman John Ronald Tumonong/RPCADU 9
