Negros Occidental – Isa na namang kabutihan ang ipinamalas ng mga tauhan ng Bago City Police Station sa ipinaabot nilang tulong sa isang residente ng Brgy. Don Jorge L Araneta, Bago City, Negros Occidental nito lamang ika-9 ng Enero 2023.
Ang ating kapulisan ay binigyang tulong si tatay Aming Abiaron na residente ng nasabing lugar sa kadahilanan na siya ay nasunugan ng bahay at wala man lang siyang naisalbang kagamitan kaya naman ang ating kapulisan sa tulong din nina Hon. Noel Montero, Punong Barangay at Pastor Jessie Tubal ay binigyan si tatay ng tulong pinansyal kasabay ng mga food packs at mga damit para sa kanyang pang araw-araw na pangangailangan.
Labis ang tuwa at pasasalamat ni tatay Aming sa tulong na kanyang natanggap mula sa ating kapulisan at ibang ahensya ng gobyerno.
Ang PNP katuwang ang ibang ahensya ng gobyerno ay patuloy sa mga ganitong programa upang matulungan ang ating mga kababayan na lubos na nangangailangan.
