Cagayan de Oro City – Tinatayang mahigit Php1.3 milyong halaga ng shabu ang nasamsam ng Regional Police Drug Enforcement Unit 10 sa isang indibidwal sa ikinasang buy-bust operation sa Sitio Talisay, Indahag, Cagayan de Oro City nito lamang Miyerkules, Enero 11, 2022.
Kinilala ni Police Brigadier General Lawrence Coop, Regional Director ng Police Regional Office 10, ang suspek na si alyas “Arlie”, 34, residente ng Poblacion, Libona, Bukidnon.
Nakumpiska sa suspek ang 11 transparent plastic sachets na pinaniniwalaang shabu na tumitimbang ng 200 na gramo na nagkakahalaga ng Php1,360,000, isang android cellphone, isang digital weighing scale, isang pirasong Php1,000 bill na ginamit bilang buy-bust money, isang green eco bag at isang itim na sling bag.
Kakaharapin ng suspek ang kasong paglabag sa RA 9165 o Comprehensive Dangerous Drugs Act of 2002.
“Ako’y nagpapasalamat sa mga operating unit natin na patuloy ang operasyon sa illegal na droga. Sa pagsimula ng bagong taon ay mas paigtingin pa natin ang paghuli sa mga personalidad sa likod ng ilegal na droga at patuloy na suportahan ang kmpanyang “Buhay Ingatan, Droga’y Ayawan” para sa ikakaunlad hindi lamang sa Region 10 kundi sa buong bansa.” saad ni PBGen Coop.
Source: Police Regional Office 10
Panulat ni Patrolman Jomhel Tan/RPCADU 10
