Biliran – Nagsagawa ng PNP Community Outreach Program ang mga tauhan ng Culaba Municipal Police Station na ginanap sa Sitio Harang, Brgy. Calipayan, Culaba, Biliran nito lamang ika-7 ng Enero 2023.
Ang aktibidad ay pinangunahan ni Police Corporal Analiza C Estanislao, Asst. WCPD PNCO sa ilalim ng pangangasiwa ni Police Captain Benigno Avila, Officer-In-Charge at sa pakikipagtulungan ng mga stakeholder mula sa River of Life Church, Kabataan Kontra Droga at Terorismo at Barangay Officials.
Naipamahagi ng naturang grupo ang isang bag na naglalaman ng assorted biscuits at gatas. Bukod dito, nagkaroon rin ng feeding program para sa mga kabataan at residente ng naturang lugar.
Ito ay kaugnay sa KASIMBAYANAN Program ng PNP na naglalayong ilapit ang mga serbisyo ng gobyerno sa mga tao at gayundin upang makuha ang tiwala, kumpiyansa, suporta at kooperasyon ng mga mamamayan.
Nagbigay ng taos-pusong pasasalamat naman ang kapulisan sa mga stakeholder para sa kanilang walang sawang suporta sa programa at aktibidad ng PNP.
