Kasabay ng inilunsad na feeding program ng mga tauhan ng Negros Oriental Police Provincial (NOPPO) noong Linggo, Enero 8, 2023, sa Barangay Agan-an, Sibulan, Negros Oriental ay masayang iniabot ang mga handog na pagkain, bitamina, at school supplies sa mga bata na naging bahagi ng programa.
Pinangunahan ang aktibidad ni Police Senior Master Sergeant Angiely Entor, FJGS PNCO, sa pangangasiwa ni Police Colonel Reynaldo Lizardo, Acting Provincial Director katuwang ang mga miyembro ng Negros Moto Vlogger Riders Community Club (NMV-RCC).
Ang naturang aktibidad ay bahagi sa mga hakbang ng Negros Oriental PNP upang pagtibayin ang ugnayan nito sa mamamayan at sa pagpapanatili ng kaayusan at kapayapaan ng komunidad.
