Misamis Occidental – Nagsagawa ng PNP KASIMBAYANAN o Kapulisan, Simbahan at Pamayanan ang mga tauhan ng Tangub City Police Station kasama ang Christ Centered Worship Church at Church Army Police Liaison Committee sa mga residente ng Brgy. Lorenzo Tan, Tangub City Misamis Occidental nito lamang ika-8 ng Enero 2023.
Pinangunahan ni Police Major Jenrech Hilot, Officer-In-Charge ng Tangub City Police Station, ang nasabing programa katuwang sina Pastor Junemer Pandan at Mrs. Aida Rebojo, stakeholder.
Naging matagumpay ang nasabing aktibidad sa pamamagitan ng pamimigay ng mga food supplement, gamot, pack lunch, nagkaroon din ng awareness information at crime prevention.
Tinatayang nasa 100 na mga bata kasama ang kanilang mga magulang ang naging benepisyaryo ng naturang aktibidad.
Ang Pambansang Pulisya ay handang maglingkod ng tapat at buong puso para sa bayan, layunin nito na maipadama sa mamamayan ang tunay na malasakit tungo sa kaayusan, kapayapaan at kaunlaran ng Misamis Occidental.
Panulat ni Patrolman Baydid/RPCADU 10
