Nagsagawa ng PNP KASIMBAYANAN ang Luna Police Station sa pamumuno ni Police Major Fresiel Dela Cruz sa Brgy. Lalog 1, Luna, Isabela noong ika-8 ng Enero 2023.
Katuwang si Pastor Marilyn Baniaga, miyembro ng Luna Association of Ministries and Pastors (LAMP) sa pagsagawa ng aktibidad.
Aktibo namang nakinig ang mga residente ng naturang barangay na pinangunahan ng punong barangay na si Hon. Antonio F Valeriano Jr.
Maliban sa mga salita ng Diyos na ipinahayag ng pastor, tinalakay din ang iba’t ibang proyekto at aktibidad na dapat pagkaisahang isagawa kasama na rin dito ang mga suliranin na kinakaharap ng barangay. Nagkaroon ng iba’t ibang suhestiyon at komento ang bawat isa na ikinagalak ng kapitan ng barangay at kapulisan.
Sadyang napakahalaga ang pagtitipon na kagaya nito kaya malaking bagay na nagkaroon ng PNP KASIMBAYANAN upang mas mapaigting pa ang pagkakaisa at pagtutulungan ng Kapulisan, Simbahan at Pamayanan para sa pag-unlad ng bayan.
Source: Luna MPS
Panulat ni PSSg Jerlyn V Animos
