Tarlac – Nagsagawa ng Community Outreach Program ang 2nd Provincial Mobile Force Company, Tarlac PNP sa mga bata na residente ng Brgy. Papaac, Camiling, Tarlac nito lamang Sabado, ika-7 ng Enero 2023.
Ang naturang aktibidad ay pinangunahan ni Police Captain David Chupisna, Team Leader, Retooled Community Support Program (RCSP), 2nd Provincial Mobile Force Company ng Tarlac Police Provincial Office katuwang ang Kabataan Kontra Droga at Terorismo (KKDAT).
Namigay ng munting regalo ang mga awtoridad gaya ng libreng tsinelas, laruan, grocery packs, tubig at nagkaroon din ng feeding program.
Labis ang saya at pasasalamat ng mga residente sa handog na tulong mula sa 2nd PMFC, Tarlac PNP.
Sinisiguro ng Tarlac PNP ang patuloy na paghahatid ng serbisyo at gagampanan ang sinumpaang tungkulin.
Source: 2nd PMFC, Tarlac PPO
Panulat ni Police Corparal Jeselle Rivera/RPCADU 3
