Quezon City — Umabot sa Php102,000 halaga ng shabu ang nasamsam sa dalawang drug suspect sa isinagawang buy-bust operation ng Novaliches City Police Station nito lamang Biyernes, ika-6 ng Enero 2023.
Kinilala ni Quezon City Police District (QCPD) Director, PBGen Nicolas Torre III, ang mga suspek na sina alyas “Jonathan”, 42, residente ng Brgy. Gulod, Novaliches, Quezon City at alyas ” Maria”, 37, residente ng Brgy. Tibagan, San Juan City.
Ayon kay PBGen Torre lll, dakong 7:30 ng umaga naaresto ang mga suspek sa harap ng Mercury Drug, sa kahabaan ng Quirino Highway, Brgy. Gulod, Novaliches, Quezon City ng mga operatiba ng Station Drug Enforcement Unit (SDEU) ng PS 4 sa ilalim ng pamumuno ni Police Lieutenant Colonel Jerry Castillo.
Ayon pa kay PBGen Torre lll, isang police poseur buyer ang bumili ng Php12,500 halaga ng shabu mula sa mga suspek na nagresulta sa kanilang pagkakaaresto.
Nakuha mula sa kanila ang humigit kumulang 15 gramo ng shabu na nagkakahalaga ng Php102,000, isang sling bag, isang cellular phone, isang unit ng Yamaha Sniper na may MV File No. 1366-0259129, at buy-bust money.
Mahaharap ang mga suspek sa kasong paglabag sa R.A. 9165 o ang Comprehensive Dangerous Drugs Act of 2002.
“Ipagpatuloy natin ang pinaigting na kampanya laban sa Ilegal na droga para gawing drug-free ang Lungsod ng Quezon,” ani naman ni PBGen Torre III.
Source: PIO QCPD
Panulat ni PSSg Remelin M Gargantos
