Oriental Mindoro – Nagsagawa ng Community Outreach Program ang mga tauhan ng 2nd Platoon 2nd Provincial Mobile Force Company Oriental Mindoro sa Sitio Centro, Brgy. Bato, Bansud, Oriental Mindoro noong ika-5 ng Enero 2023.
Ang naturang aktibidad ay pinangunahan ni Police Lieutenant Mario Jacinto, Platoon Leader, kasama ang mga PNP Special Action Force, Community Adviser, Kabataan Kontra Droga at Terorismo, Barangay Health Workers, Barangay Peacekeeping Action Teams, at mga Barangay Officials.
Namahagi ang grupo ng pagkain, lumang damit, at nagsagawa din ng feeding program sa mahigit 70 na Indigenous People sa nasabing barangay.
Patuloy na isinasagawa ng PNP ang mga ganitong programa na naglalayong isulong ang pagkakaisa tungo sa ligtas at maunlad na pamayanan.
Panulat ni Patrolman Erwin Calaus
