Davao del Norte – Arestado ang tinaguriang Top 2 drug personality – regional level sa isinagawang buy-bust operation ng Tagum PNP, noong Enero 5, 2022.
Kinilala ni Police Major Rodante Varona, Acting Chief of Police ng Santo Tomas Municipal Police Station, ang suspek na si alyas “Marlou”, 25, residente ng Purok 5, Brgy. San Jose, Sto. Tomas, Davao del Norte.
Ayon kay PMaj Varona, naaresto ang suspek ng mga operatiba ng Sto. Tomas MPS katuwang ang Provincial Intelligence Unit sa Barangay Tibal-og, Santo Tomas, Davao del Norte.
Dagdag pa ni PMaj Varona, nakuha mula sa suspek ang ilang pakete ng hinihinalang shabu na may bigat na humigit kumulang 0.07 gramo na may street market value na Php950 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang pagkakadakip sa suspek may malaking tulong upang makamit ng Police Regional Office 11 ang kanilang layunin para sa kaayusan at kapayapaan sa lungsod.
Panulat ni Patrolman Alfred Vergara
