Caloocan City — Tinatayang Php170,000 halaga ng shabu ang nasabat sa isang lalaki sa isinagawang buy-bust operation ng Northern Police District nito lamang Huwebes, Enero 6, 2022.
Kinilala ni PBGen Ponce Rogelio Peñones Jr, District Director ng NPD, ang suspek na si alyas “Noel”, 44, at kasalukuyang naninirahan sa Malaria 1, Tala Road, Brgy. 185, Lungsod ng Caloocan.
Ayon kay PBGen Peñones Jr, bandang 3:05 ng madaling araw nang maaresto ang suspek sa kahabaan ng 4th Avenue, Barangay 118, Caloocan City ng mga tauhan ng District Drug Enforcement Unit-NPD (DDEU) sa pangunguna ni Police Lieutenant Colonel Renato Castillo, Chief, DDEU.
Narekober mula kay alyas “Noel” ang isang medium size heat-sealed at isang buhol ng transparent plastic sachet na pinaghihinalaang shabu na tumitimbang ng humigit kumulang 25 gramo at may Standard Drug Price na Php170,000.
Nakuha rin sa suspek ang tunay na Php500 at dalawang pekeng Php500 na ginamit bilang buy-bust money.
Paglabag sa sec. 5 at sec. 11 ng Art. II ng R.A. 9165 o Comprehensive Dangerous Drugs Act of 2002 ang isinampa laban sa suspek.
Tiniyak ng PNP na ang mga nahuli ay pananagutin sa batas at haharap sa kanilang mga kaukulang kaso.
Source: NPD PIO
Panulat ni PSSg Remelin M Gargantos
