Nagsagawa ng Community Outreach Program ang Ilagan PNP sa pangunguna ni Police Captain Teresito Calimpusan Jr na ginanap sa Agta community ng Brgy. Cabisera 10, Ilagan City, Isabela noong ika-5 ng Enero 2022.
Katuwang ang MAHIMDALIB Class 2021-04 RSTU 2, BPATs at iba pang Brgy. Officials ng naturang barangay sa pagsagawa ng aktibidad.
Mahigit 40 katao ang nahandugan ng dalang pagkain at inumin na nakapagdulot ng matamis na ngiti sa kanila.
Nagsagawa din ng tree planting sa dakong hardin ng naturang barangay upang mapakinabangan din nila ito at makatulong sa pagpapaunlad ng kalikasan.
Layunin ng aktibidad na maiparamdam sa mga mamamayan ang pagmamahal at pagmamalasakit lalo na sa mga pook na malayo sa kabihasnan.
Source: Isabela PPO, PIO
Panulat ni PSSg Jerlyn V Animos
